Translate
Ka shnong Ladmawphlang, East Khasi Hills, kaba dei kawei na ki shnong ba ia treilang bad ka NESFAS, ka don kumba 88 tylli ki longiing. Ha ka por ka jingwanlyngshop jong ka bynta ba ar jong u COVID-19 ka la sdang ban pur ha ka ri, kane ka shnong ka la kloi ban pynkhreh ia ka Committee COVID-19 bad la buh ia ka jaka pynkyrpang ha Ramakrishna Mission, ka skul kaba don ha kato hi ka shnong.
Ha ka por ba ka jylla Meghalaya bad kiwei pat ki bynta jong ka Ri ki la shem ia ka jingkiew stet jong ki nongioh bit ia une u khniang jingpang, bun na ki khynnah samla ki la wanphai sha la ki iing ki sem bad ki shnong ban iada ialade na ka jingma hadien habud.
Ha ka 27 Jymmang, 2021 la don uwei u khynnah samla ba wanphai na Assam sha Ladmawphlang. Ha shuwa ka jingwan jong u, ka Committee bad ki bahaing ha sem jong u ki la shim ia ka rai ban pynshongkyrpang ia u ha la iing. La pyntip ruh sha ka NESFAS shaphang kane ka sienjam, bad ka kynhun jongka NESFAS ka la shim khia ban khmih ba yn ym don ka jingsaphriang ba lah ban buh ha ka jingma.
Quarantine centre ha Ramakrishna School
Ka kynhun jong ka NESFAS kaba kynthup ia i Bah Pius Ranee, Executive Director, Badarishisha Nongkynrih, Lead Associate Public Health Services bad I Kong Ruth Sohtun, Field Coordinator, ha ryngkat U Rangbah Shnong bad u Secretary jongka Ladmawphlang ki la ia kynduh lang lyngba ki kor technology ka juk mynta. Ka kynhun jongka NESFAS ka la bthah ba baroh kiba wanphai ki dei ban shong pynkyrpang ialade ha ki jaka ba la dep ban pynkhreh haduh ban da kut ka por ba lah buh. Ki la iathuh ruh ia ka jingjia ba na kiwei ki shnong ba ka NESFAS ka treiha kaba ka daw bah jong ka jingpur stet une u khniang jingpang ka long na ka ka jingbymphikir.
Hadien katto-katne ka jingiamirjingmut lang, ka committee Covid-19 jong ka shnong Ladmawphlang ka la pdiang ia ka jingkyntu jong ka NESFAS, bad ka la pyntreikam ia ki jaka pynkyrpang ba la buh khnang na bynta ka Covid-19. Watla une u khynnah samla u la ioh ia ka report negative, ka committee ka la shim khia. Ka NESFAS bad ki nongkyrshan jongka ki iatrei lang bad ki 130 tylli ki shnong na kylleng, bad ka jingtynjuh kaba khraw tam ba ka shem ka long kumno ban pynkylla ia ka rukom pyrkhat. Ka Ladmawphlang ka la jop, kam don wat tang iwei ruh i case haduh mynta. Lyngba kane ka nuksa ba ka shnong Ladmawphlang ka pyni, kumta ngi kyntu ruh ia kiwei ki shnong ba kin leh ia kabe donkam na ka bynta ka bha ka miat jong barohlang.
